شمس الاماني

يا شمس وكتين تقيبي يصبح الكون كلو مظلم
تبقى فى العينين غشاوة
اصلو ضي عينيك لينا
باقي زى نور الخلاوي
ديمة جيتك نشتهيها
تمحى من ناس القساوة تدي للعالم محنه
يبقى عايش فى هداوة
يا سلام لو بس عيونك لينا تعلن اعترافه
حبى فى عينيك نور
شفتو فرهد فى ضفافه
حاجه فوق عقل التصور
فرقتك بالجد بخافه
اى حب فى الدنيا دونك ما اظنو يكون معافى
لما انوى عشان اجيلك بطوى بي شوقي المسافة
بلقى فى عيونك دنيا
وانت فى ذاتك قيافه
ضوي يا شمس الاماني
بستبين منك طريقي
صحى جواى البنفسج
عطري الكون بى اريجي
القى فى بستاني ورده
استنشق منك رحيقى
وخشى فى دنياى عنوه
واعلينى الحب الحقيقي