البت الهناء والسرور والضحكة والفرح الفخور
دي المابتعرف الغرور والقال عليها وشبها بالغرور
ضاق طعم الخمور العذبت من في القبور
**************************
وإظهر انو كان بزور بيت الفجور
لي شرب الخمور دا الاوصفها بالغرور
ودا كلو بسبب قولة البت الغرور
ونسى انو دي البت السرور
*************************
ياخ دي قلبها زي لبس ضابط المرور
الواقف جمب بياع العطور قصاد ممشى العبور
و دا الزول الصبور المابعرف شرور
عيونها صغار زي عيون الزرزور الماشاف طيور
وصوتها زي صوت العصفور
المحشور في لمة طيور في جوف الزهور
عصفور شارب من جدول حدائق الزهور
*****************************
بس ياريت لو صدح ليها فرفور
وهي بتحب الزهور
وكاتمة في جواها حبها للزهور
بالله لو ما حابة الظهور
قول ليها غور إن شاء الله تحرق بخور
انا مالي ومال الشرور انا ما بت السرور
زي ماقلت قبل شوية في بعض السطور
******************************
حتى قرب يجيني إحساس إنها من بنات الحور
بس قبل دوزنة السطور إتذكرت الرب الشكور
وياريت لو كتبت كلمة مرور لدخول القلب الصبور
وكلماتها زي زولا بحاول يبني في بعض القصور
********************************
يا زول انت لسة ما جبت البخور
جيب الزهور وخت الطيور وأمشي العبور لضابط المرور
وأغشى بياع العطور إمكن يرشك بشوية عطور تذكرك ريحة البخور
آنسى العطور والكافور والزهور والزرزور وماتبقى زي الطرطور
بس جيب كلمة مرور تقدر تدخلك قلب القصور
************************************
ولو هكرت بعض السطور في حرف من حروف كلمات المرور
جائز الأزرار تعلق وتدخل القلب الصبور
أنا حأشغل البابور وأجيب ساطور أكسر كلمات المرور
وفي اللحظة دي أبيت الفطور وهو أصلا سلطة بي عجور
بس نحمد الرب الشكور البدي القصور
الفطور الزهور ,, الفطور الكافور ,, الفطور المرور
*************************************
هسي كان حلفت بالزور بحصل شنو؟؟
مافي غير قفص النمور
وبعد كدة الإ أمشي لحزب البهجة والفرح والسرور
ويا أستاذ طيفور ممكن أبقى حرف مكسور
إن شاء الله كان مجرور
بس أساهم في المرور
ويا أستاذ قدور مافي شوية كسور
إنت أصلك زي التور شغال زي الموتور
الله !! خايف أكون انا المغرور الحلف بالزور
ويا قاضي قفص النمور كلم عبد الشكور الفاضل الوقور
خليهو يحل قضية الزول الصبور .. عشان يبقى مسرور
**انا المغرور الكاسر المرور**
ويا الله البتغفر لشارب الخمور
أغفر لي أنا المغرور كاسر المرور
وحتى القلب الصبور
لا تجعله من أصحاب الغرور
وأخيراً أكلت الفطووور