الليه جايب ليكم حاجه مابتتوقعوها خش وشوف..!!

عمك تنقو بقي جزار
يضبح يومي ليل ونهار
جاب تربيزة وحضر كتلة
وكم سكين واشتري فرار
قال في نفسو شوية شوية
ما كل الناس بيبدو صغار
وخطوة بخطوة الحال اتصلح
لامن نربا ونبقي كبار
قال لي العازة تخشي الحلة
تعملي دعاية تكون اظهار
هي ياناس ماشفتو التنقو
الليلة خلاص اصبح جزار
يضبح ضان يضبح عجالي
يضبح ألبل ومرات حوبار
كلو معانا انتو تعالو
تعالا وجرب وما تحتار
***
وعمك تنقو بقي هاميهو
يكفن يبدا قرارو الفيهو
كيفن يضبح باكر بدري
ومن وين حيجيبو خروفا ليهو
والحال متأسف وقاطي قروش
وفوق لي داك في ديون بتجيهو
بقي يتقلب وغلبو النوم
والعازة هناك تشخر تغليهو
اصلاها ماخشت في الصورة
ولاها بتعرف حالو البيهو
وعمك فكر وقرر ينفذ
اصلو العم افكار بتجيهو
وعمك خشي زريبة العازة
وخمش التيس البتربيهو
وضبحو سريع قبال ماتصحي
وشال جلدو راح لاميهو
وحتي الراس دا سلخو سريع
معاهو كوارعو هناك داسيهو
وطقطق ليك باع في ثواني
معاهو كديسو يحدر ليهو
عمك إمزمز ويكد في العضمة
وكل الحلة بتشكر فيهو
وفجأة العازة عرفت بالحاصل
وبعد تفكير وتمحيص تاليهو
قالت برضو ياهو غتايا
وكل البعملو ليا وليهو
اصلو التنقو عليا حنين
وانا رضيانة الروح اديهو
وعمك حس الدينا تكافل
دمعتو نزلت من عينيهو

ماتحرمونا من الرد

ههههههههههههههههههه بالغت يا ايمن زكرتني الروضة زمان ههههههههههه

ههههههههههههههههههههههههههههههههههههه . . . يا حليل أيام الصبا !!
ألا ليت الشباب يعود يومأ ... ( عشان ما نفرط فيهوا تاني )
ههههههههههههههههههههههههه
أعدت البسمه إلى الشفاه أخي الكريم . .
أبدعت ، جزاك الله بكل الخير .

دنيا غريبة

ناس ضايقاها ماكنتوش
وناس دافساها صحنين بوش
ناس نادوها ناريمان نهى وإيمان
نزار هيثم أسامي رشوش
وناس نادوها يا كلتوم ويا فطوم
وود بعشوم أبو طربوش أسامي بروش
ناس في الحب بتدخل توش
بدون تقديم بدون تلميح معاها قروش
شبح موديل سنة ألفين بيملى الحوش
وناس بتريد بكاها يزيد وما بتوصل
دوام يدوها بالشاكوش
عشان تعبان مفلس تب ما عندو ماكنتوش
وتسمع لب لب لب
وراسو يدوش ويبقى عموش
يقولوا عليهو شهيد في الحب ومات مغشوش
وحالي البي أصبح كيف
ده من شفتك غشاني خريف
مطر من جسمي نازل شو
ويوم سيرتك يجيبوها
أبقى أخاف أكون رجاف
بدل رفدور أرش بف باف
قميصي الساوي لي غلبة
مسكتو لبستو بالقلبة
أدور أنضم أتمتم زين
أمرق الكلمة من علبة
واتلخبط
كراع جزمة واعين التانية ألقى شبط
وأكون ملخوم ..
أشوف سنير .. أقول برلوم
أمش شمبات .. أقول أم دوم
أشوف شندي .. أقول خرطوم
أقلب الحال .. ليلي سهر .. صباحي أنوم
واحلم يوم
تكون معاي ونطلع في مكاناً هاي
تشرب كولا واقعد ساي
أتوه واسرح وانم دوباي
وا أسفاي وا أسفاي
على قلبي الصبح بكاي
وشن بنسوي لما نشوف قمر ضواي
يطلق النار يشع جواي
ويبقى مناي .. أعاين ليك صباح ومسا
واجر السبحة أقول مدحة
سراي سراي
مناي ألقاك يا السمحة
مناي تجودي بي عينيك قد لمحة
ولمن تلبسي الطرحة .. تصاب معدتنا بالقرحة
ويجربوا فينا كل علاج :
هستامين .. كلودكوين
دة لا ينفعنا إنتستين
ولا يشفينا دربكينين
وما عارفين إنو علاجنا كافلجين
وكافلجين علاج لكل مرض خطري
علاج للبشري والبطري
وأشوف قدري
أكان حبيت وشاع خبري
أكان كفت الهموم كفري
وقبل أموت .. أقول كلمات
أوصي بدفني في الأحفاد
ويبقى فراشي في شمبات