""بســم الله الـرحمـن الــرحــيـم""
بمشي منّك !!!
ما أرحب الدنيا وسهولها
بس قبلي افوتك
عندي كلمة وجَب أقولها
إنو كُلْ حكاوي الحب خُرافة
بكُلْ براحها وطول فصولها
والمسافة بين غوايته والحقيقة
حقيقة يا غدّار مهولة
أصله شمس الحب بِتَبْهِر
إلا ما أسرع أفولها!!
بمشي منّك !!
وزادي إيمان حدّه قاطع
إنو في الإخلاص مذلّة
و في الوفاء حسرة و مواجِع
وإنو قلبك بِبْقَى آفة
لو تبعتو وصرتَ خاضع
ياما يمشيبَك مجاهل
فيها تجهل كل شارع
وتبقَى ليك الدنيا عتمة
لمّا تاخْد السكة راجع
بمشي منّك !!
والندم كلمة ما بتوصف مشاعر
ولا بتعبّر عن حقيقة
ورغم ضيقها...
بمشي بيها دليل مسافر
هاجر الريدة وفريقها
وكلّ إحساس فيني كافِر
بي المحبّة ...
وأي نبضة تسير طريقها
وكُلْ رواية يصوغها شاعر
مهما صالت في المشاعر
و لامَس الوجدان بريقها
ماشّي منّك ...
ما أوسع الدنيا وسهولها !!!
موضوع: بمشي منَّك ...!!! 
